هنتكلم في المقال ده عن بعض الناس الفقيرة اللى غير قاديرين على شراء احتياجاتهم الأساسية، واللى بتتغير حياتهم فجأة، هنتكلم عن قصة عازف البيانو الشهير، وقصة متسول الوظيفة، وقصة حذاء العدائة الفلبينية.
ضحكوا جميعا على حذائها، لكنها هزمتهم جميعًا ..!!
القصة الأولى : قصة Donald gould
- منظمة في فلوريدا في امريكا وضعت بيانوا في الشارع، أى حد ممكن يلعب عليه، يوم من الأيام، راجل رفيع وباين انه فقير جدا، لعب على البيانوا، بدأ يلعب كل يوم علشان الناس تتبرع له، وفي 2015، انتشر فيديو لدونالد على اليوتيوب وهو بيعزف في الشارع .............
- وسائل الاعلام بدأت تتكلم عنه، ظهر على التلفزيون الوطني، وكمان الناس عموا حملة تبرعات لجمع 40000 دولار علشان يتعلم يعزف كويس، وبعد شهور قليلة تمت دعوته علشان يعزف فى استاد امام 75 ألف مشجع.....
- ببساطة اتحول دونالد من شخص مشرد ومعدم لشخص مشهور وناجح.
القصة التانية : قصة David Casarez
- شاب مختلف فى وادي السلكون فى أمريكا، واقف زي أى متسول لكن معاه لافته مكتوب عليها انه متعطش للنجاح، وكمان بيوزع السيرة الذاتية بتاعه على الناس، ببساطه كان خبير في تطوير البرمجيات وفشل انه يلاقي وظيفة.
- هذا الشاب كان بينام فى شاحنة، واما فلوسه بدات تخلص اضطر يبيعها وبقى ينام في الشارع، ناس كتير صوروه، وقصته انتشرت في وسائل التواصل الإجتماعي.
- اتعرض على هذا الشاب الكثير من عروض العمل في شركات كبيرة بما فيهم جوجل، وناس كتير ساعدوه يلاقي يشغل ويلاقي شقة يسكن فيها، واتحولت حياته 180 درجة.
القصة التالثة : قصة العدائة الفلبينية Rhea bullos
- بنت فلبينية عمرها 11 سنة، شاركت فى مسابقة سباق دولية، وكانت حديث الناس كلها بسبب حذائها، ببساطة هي مكنتش لابسة حذاء رياضي، لأن أسرتها غير مقتدرة مادياً.
- البنت جابت لاصق ولفته على رجليها ورسمت عليها بايديها شعار شركة نايكي، وبالرغم من أنها الوحيدة اللى مكنتش لابسة حذاء إلا أنها فازت بسباق الـ 400 متر.......... بعد كدا فازت في سباق الـ 800 متر.
- حصلت البنت على 3 ميداليات ذهبية، وبتحلم انها تحطم رقم يوسن بولت العداء الشهير.
تعليقات
إرسال تعليق